Norma.uz
Газета СБХ / 2019 год / № 06 / Солиқ солиш

Солиқ солинадиган фойда: қайси харажатларни чегирамиз

 

Улгуржи савдо корхонамиз 2019 йил 1 январдан умумбелгиланган солиқларни тўлашга ўтди. Иш ҳақидан ташқари ходимларнинг озиқ-овқат ва йўл чипталари қийматини қоплаш учун қўшимча тўловларни жорий этмоқчимиз.

2019 йилда фойда солиғини ҳисоблашда ушбу қўшимча тўловлар чегириладиган харажатлар ҳисобланадими?

 

Озиқ-овқат ва йўл чипталарининг қиймати ёки уларнинг қийматини қоплаш фойда солиғи бўйича чегириладиган харажат ҳисобланади.

Меҳнатга ҳақ тўлаш тарзидаги даромадларга қуйидагилар киради (Солиқ кодексининг 172-моддаси):

● иш ҳақи;

● илмий даража ва фахрий унвон учун қўшимча тўловлар;

● рағбатлантириш хусусиятига эга тўловлар: мукофотлар, устамалар, таътилга қўшимча ҳақлар ва моддий ёрдам (Солиқ кодексининг 173-моддаси);

● компенсация тўловлари: туман коэффициентлари, қўшимча тўловлар, нормалардан ортиқча тўланадиган устамалар, шунингдек озиқ-овқат ва йўл чипталарининг қиймати ёки уларнинг қийматини қоплаш (Солиқ кодексининг 174-моддаси);

● ишланмаган вақт учун ҳақ тўлаш: таътилга ва бекор туриб қолинган вақт учун ҳақ тўлаш, пенсияларга қўшимчалар ва б. (Солиқ кодексининг 175-моддаси);

● ФҲШ бўйича тўловлар;

● юридик шахс бошқарув органи (кузатув кенгаши) аъзоларига тўловлар.

Кўриб турганимиздек, ходимларга озиқ-овқат ва йўл чипталари қийматини қоплаш учун қўшимча тўловлар 2012 йилдан буён меҳнатга ҳақ тўлаш тарзидаги даромад ҳисобланади (Солиқ кодексининг 174-моддаси 13-банди). 2019 йилда ушбу қоида ўзгармади.

Корхоналарнинг меҳнатга ҳақ тўлаш бўйича барча (норматив ва нормативдан ортиқ) харажатлари Солиқ кодексининг 143-моддасига киритилган ва фойда солиғи бўйича солиқ солинадиган базани ҳисоблашда чегириладиган харажатлар ҳисобланади (Солиқ кодексининг 141-моддаси 6-қисми).

 

Жавобни «Norma» МЧЖ экспертлари тайёрладилар.

 

Прочитано: 1194 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика