Norma.uz
Газета СБХ / 2018 год / № 32 / Божхона

Божхона тўловларисиз почта жўнатмалари: янги нормалар

 

Президентнинг 19.07.2018 йилдаги «Ўзбекистон Республикаси божхона ҳудудига жисмоний шахслар номига халқаро почта ва курьерлик жўнатмалари орқали келаётган товарлар назоратини таъминлаш чора-тадбирлари тўғрисида»ги ПҚ–3873-сон қарори эълон қилинди.

 

Ҳужжат билан қуйидаги ўзгартиришлар киритилди:

а) жисмоний шахслар номига келаётган, божхона тўловлари ундирилмайдиган товарлар учун жўнатма турига: почта ва курьерлик жўнатмаси орқали келаётганлигига қараб чекланган меъёрлар белгиланди. Илгари почта ва курьерлик жўнатмалари учун ягона меъёр амал қилар эди – ойига 1 000 АҚШ доллари.

Маълумот учун. Халқаро почта ва курьерлик жўнатмаларини божхонада назорат қилиш қоидаларига (АВ томонидан 11.02.2000 йилда ­896-сон билан рўйхатдан ўтказилган) мувофиқ:

халқаро почта жўнатмалари – тегишли ўрамда муайян манзилга жўнатилган ёзма хат-хабарлар, посилкалар ва босма нашрлар;

халқаро курьерлик жўнатмалари – қисқа муддатларда қўлдан қўлга топширган ҳолда етказиб бериладиган почта карточкалари, хатлар, бандероллар, посилкалар, босма нашрлар.

б) халқаро почта ва курьерлик жўнатмалари орқали юридик шахслар номига келадиган, божхона тўловлари ундирилмайдиган товарларнинг қиймати белгиланди:

Жўнатмани қабул қилувчи

 

Халқаро почта жўнатмалари учун чекланган меъёр

 

Халқаро курьерлик жўнатмалари учун чекланган меъёр

 

Жисмоний шахс

 

100 АҚШ доллари

 

бир чоракда 1 000 АҚШ доллари

(илгари – бир ойда 1 000 АҚШ доллари)

Юридик шахс

 

100 АҚШ доллари

 

 

Мониторинг қилиш механизмини соддалаштириш мақсадида почта алоқаси операторлари ва провайдерлари зиммасига халқаро курьерлик жўнатмалари орқали жисмоний шахслар номига келаётган товарлар тўғрисида маълумот бериш мажбурияти юклатилди. Бунинг учун қуйидаги ахборотни электрон тарзда олдиндан тақдим этиш имконини берувчи махсус тизим жорий этилади: қабул қилувчининг ФИО, унинг манзили, паспорт серияси ва рақами ёки СТИР, шунингдек почта алоқаси оператори ёки провайдерининг номи, жўнатувчи давлат, жўнатманинг тавсифи ва унинг қиймати.

Сентябрь ойига келиб ДБҚ ДСҚ билан биргаликда халқаро курьерлик жўнатмалари орқали келаётган товарларни қабул қилувчини СТИР ёки паспорт маълумотлари орқали идентификациялаш имконини берувчи электрон базаларнинг идоралараро интеграцияси амалга оширилишини таъминлайди.

Кириб келаётган халқаро курьерлик жўнатмаларининг божхона назорати ва расмийлаштируви:

● темир йўл ва автомобиль транспорти орқали етказишда – махсус белгиланган божхона постларида;

● ҳаво транспорти орқали етказишда – халқаро аэропортлар ёки уларга яқин ҳудудларда жойлашган божхона постларида амалга оширилади.

 

Ҳужжат Қонун ҳужжатлари маълумотлари миллий базасида (lex.uz) эълон қилинган ва 20.07.2018 йилдан кучга кирди.

 

Олег Заманов, «Norma» МЧЖ эксперти.

 

Прочитано: 1139 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика