Norma.uz

Автомобиль носоз бўлганда

 

Фирмамизнинг автомобили техник кўрикдан ўтказилиши керак. Бироқ кўрсатилган муддатда техник кўрикдан ўтказиш жойига олиб бориш имконини бермайдиган айрим техник муаммолар юзага келди.

Техник кўрикдан ўтиш муддатини бошқа вақтга кўчириш мумкинми, бунда қандай ҳужжатлар керак бўлади?

Акмал К. Тошкент ш.

 

– Сизнинг ҳолатда ДЙҲХХнинг ҳудудий органига ёзма ариза ва техник кўрикдан ўтказиш учун зарур ҳужжатлар (ҳайдовчи гувоҳномаси, техник кўрикдан ўтказиш учун йиғим тўланганлиги тўғрисидаги ҳужжат ва тиббий маълумотнома бундан мустасно) билан мурожаат қилиш лозим (ВМнинг 31.01.2003 йилдаги 54-сон қарори билан тасдиқланган Низомнинг 31-банди).

Бунда ДЙҲХХнинг ҳудудий органи ходими рўйхатдан ўтказиш гувоҳномасига (техник паспортга, талонга) носозлик тўғрисида «NOSOZ» ёзувини қайд қилади ҳамда шахсий имзо ва муҳр (штамп) билан тасдиқлайди.

Носозликни бартараф этганингиздан кейин транспорт воситасини техник кўрикдан ўтказиш учун тақдим этишингиз мумкин бўлади.

Низомга (30-банд) мувофиқ техник кўрикдан ўтказиш учун қуйидаги ҳужжатлар тақдим этилади:

√ паспорт ёки шахсни тасдиқловчи бошқа ҳужжат (ҳарбий хизматчилар – шахсий гувоҳнома ва турар жойидан маълумотнома);

√ Ўзбекистон Республикаси Ташқи ишлар вазирлигида ва (ёки) Адлия вазирлигида белгиланган тартибда аккредитация қилинган халқаро ва хорижий ташкилотлар ходимлари – тегишли вазирлик томонидан аккредитация қилинганлиги тўғрисида белги қўйилган аккредитация карточкалари ва миллий паспортлари;

√ бошқа хорижий фуқаролар – ички ишлар органларида рўйхатдан ўтказилганлиги тўғрисида белги қўйилган миллий паспортлари ёки Ўзбекистон Республикасида яшаш рухсатномаси;

√ фуқаролиги бўлмаган шахслар – Ўзбекистон Республикасида яшаш рухсатномаси;

√ техник кўрикдан ўтказишга берилган транспорт воситасига мувофиқ тоифадаги транспорт воситасини бошқариш ҳуқуқига ҳайдовчи гувоҳномаси;

√ транспорт воситасининг рўйхатдан ўтказилгани тўғрисида гувоҳнома (техник паспорт, техник талон);

√ «Саноатгеоконтехназорат» давлат инспекциясининг газ баллонларини синовдан ўтказиш ҳуқуқини берувчи рухсатномаси мавжуд бўлган ташкилот томонидан газ ёнилғисида ишлаш учун қайта жиҳозланган транспорт воситаларининг газ баллонлари синовдан ўтказилганлиги тўғрисидаги далолатнома;

√ сертификатлаштириш органи томонидан берилган газ ёнилғисида ишлаш учун қайта жиҳозланган транспорт воситаларига ўрнатилган газ баллонларининг мувофиқлик сертификати нусхаси;

√ техник кўрикдан ўтиш учун белгиланган йиғим суммаси тўланганлигини тасдиқловчи ҳужжат (тўлов топшириқномаси, квитанция);

√ техник кўрикдан ўтказиш шохобчасининг транспорт воситасининг техник ҳолати тўғрисидаги маълумотномаси – шундай маълумотнома бўлганда.

 

 

«АвтоНорма» бўлимини Алла Ромашко олиб боради.

 

Прочитано: 1252 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика