Ўзбекистондаги корхона (қарздор) 2014 йил июлда ЎзР норезиденти билан чет эл валютасида фоизсиз қарз олиш шартномасини тузган.
Норезидентдан чет эл валютасида қарз олинган бўлса, қарздорнинг даромадини ҳисоблаш учун Марказий банкнинг қайта молиялаштириш ставкаси қўлланилиши тўғрисидаги Солиқ кодексининг 135-моддаси қоидалари қайси даврдан қўлланади, биз уларни қўллашимиз керакми?
Е.Русанова.
– Текин олинган мол-мулк, мулкий ҳуқуқлар, шунингдек ишлар ва хизматлар солиқ тўловчининг даромади ҳисобланади. Даромад ҳужжатлар (бозордаги нархлар, баҳоловчи ташкилот томонидан ва ҳ.к.) билан тасдиқланадиган уларнинг бозор қийматидан келиб чиқиб аниқланади.
2017 йил 1 январдан бошлаб қарздорнинг фоизсиз қарзлар бўйича даромади қарзни олиш санасидаги Ўзбекистон Республикаси Марказий банки томонидан белгиланган қайта молиялаштириш ставкасидан келиб чиққан ҳолда аниқланади. Бироқ ушбу норма Ўзбекистон норезидентлари тақдим этган қарзларга нисбатан татбиқ этилмайди (Солиқ кодексининг 135-моддаси).
2017 йилгача – Солиқ кодексининг 135-моддасига юқорида кўрсатилган ўзгартиришлар киритилгунга қадар солиқ органлари қарздорнинг фоизсиз қарз бўйича даромадини, у кимдан ва қайси валютада олинганлигидан қатъи назар, Марказий банкнинг қайта молиялаштириш ставкасидан келиб чиқиб аниқлар эдилар.
Музаффар МИРЗАҒАНИЕВ,
«Norma» МЧЖ эксперти.
