Ягона солиқ тўловини тўловчи корхона норезидент етказиб берувчи, яъни хорижий ҳамкордан молиявий чегирма олди.
Ушбу чегирмадан ЯСТ тўланадими?
Директор.
– Молиявий чегирма олувчи унинг суммасидан ЯСТ тўламайди.
Маҳсулот етказиб берувчилардан олинган молиявий (пуллик) чегирмалар ЯСТ бўйича солиқ солинадиган базадан чегириладиган харидорнинг бошқа даромадлари таркибига киритилади (Солиқ кодексининг 356-моддаси 6-банди). Етказиб берувчилар – ЎзР резидентлари ва норезидентлари учун қоидалар бир хил.
Пул чегирмалари харид қилинган товар-моддий захиралар қийматини камайтирмайди, балки улар юзага келган ҳисобот даврида молиявий-хўжалик фаолияти натижаларига киритилади (АВ томонидан 17.07.2006 йилда 1595-сон билан рўйхатдан ўтказилган 4-сон БҲМСнинг 13-банди 11-хатбошиси).
|
Хўжалик операциясининг мазмуни
|
Дебет
|
Кредит
|
|
Материаллар ёки товарлар чегирма билан харид қилинди
|
1000-«Материаллар»; 2900-«Товарлар» (чегирма ҳисобга олинмаган қиймати бўйича) |
6010-«Мол етказиб берувчилар ва пудратчиларга тўланадиган счётлар» (чегирма ҳисобга олинган сумма)
|
|
9390-«Бошқа операцион даромадлар» (чегирма суммаси)
|
||
|
Етказиб берувчига чегирмани ҳисобга олган ҳолда ҳақ тўланди
|
6010-«Мол етказиб берувчилар ва пудратчиларга тўланадиган счётлар» (чегирма ҳисобга олинган сумма) |
5110-«Ҳисоб-китоб счёти»
|
Анжелика НАМ, «Norma» МЧЖ эксперти.
