Ташкилотнинг асосий фаолият тури – тиббий ускуналар билан улгуржи савдо қилиш. Шунингдек уни ўрнатиш (монтаж қилиш) учун шартнома тузилган.
Ушбу фаолият ИФУТнинг қандай турига киради? Бунда қайси турдаги ҳисобварақ-фактура расмийлаштирилиши керак: оддийсими ёки Бажарилган ишлар (қилинган харажатлар) тўғрисидаги маълумотнома-ҳисобварақ-фактурами?
П.Г.
– Ускуна коммуникациялар тортиб келинган, фаолият юритилаётган бинода ўрнатилса ҳамда деворлар ва шифтга (масалан, пол устидаги устунларга) қўшимча юклама бўлиб тушмаса, ИФУТнинг 33-«Машина ва ускуналарни таъмирлаш ва ўрнатиш» бўлими қўлланилади.
|
Гуруҳ
|
Синф
|
Кичик синф
|
Номи
|
|
33.2
|
|
|
Саноат техника ва ускуналарини монтаж қилиш (йиғиш)
|
|
|
33.20
|
33.20.0
|
Саноат техника ва ускуналарини монтаж қилиш (йиғиш)
|
Мазкур синф техника, шу жумладан рентген, электр медицина (электр терапия) ускуналарининг ихтисослашган ўрнатилишини ўз ичига олади. Бу ҳолда монтаж қилиш, ўрнатиш ишларини бажаришга шартнома тузилиб, тасдиқланган шаклдаги ҳисобварақ-фактура расмийлаштирилади (3-илова, АВ томонидан 22.03.2013 йилда 2439-сон билан рўйхатдан ўтказилган).
Бунда ускуналарнинг ихтисослашган ўрнатилишини бино билан узлуксиз боғлиқ бўлган, қурилиш бўлимида таснифланадиган ускуналарнинг ўрнатилишидан фарқлаш лозим.
ИФУТнинг 43-«Ихтисослаштирилган қурилиш ишлари» бўлими битта йўналишда ихтисослаштирилган, ҳар хил турдаги бино ва иншоотлар учун умумий бўлган ҳамда махсус малака ва ускуналарни талаб этадиган қурилиш фаолиятини ўз ичига олади. Бунга муҳандислик ускуналари, электр техника тизимлари, электр симлар ва фурнитураларни монтаж қилиш ва ўрнатиш, электр ускуналарни улаш ва бошқа турдаги ишлар киради. Иншоотни фаолият юритадиган иншоотга айлантирувчи коммуникацияларнинг ўрнатилиши ҳам уларга киритилган.
|
Гуруҳ
|
Синф
|
Кичик синф
|
Номи
|
|
43.2
|
|
|
Электротехник, чилангарлик ва бошқа қурилиш-монтаж ишлари
|
|
|
43.21
|
43.21.0
|
Электротехник ва монтаж ишлари
|
Бундай ҳолда пудрат шартномаси тузилади ҳамда Бажарилган ишлар (қилинган харажатлар) тўғрисидаги маълумотнома-ҳисобварақ-фактура расмийлаштирилади. Унинг шакли ВМнинг 21.05.2004 йилдаги 02-5-56-сон протокол услубидаги қарори билан тасдиқланган.
Инвестиция лойиҳалари амалга оширилганда (лойиҳалаш, қурилиш, реконструкция қилиш, капитал таъмирлашда) шакл тўлдирилади. Улар танлов (тендер) савдолари натижалари бўйича, фойдаланишга тайёр қилиб топшириладиган қурилишда, тўғридан-тўғри шартномалар бўйича, шунингдек лойиҳа ҳужжатларини ишлаб чиққан ҳолда объектлар қурилишида (параллель лойиҳалашда) амалга оширилади. Бажарилган ишлар (қилинган харажатлар) тўғрисидаги маълумотнома-ҳисобварақ-фактура капитал қурилишда бирламчи ҳисоб ҳужжати ҳисобланади (Кўрсатмалар, Республика комиссиясининг 2.02.2009 йилдаги 1-сон баённомасига 2-илова).
Анжелика НАМ, «Norma» МЧЖ эксперти.
