Янги ходимни унинг ишига алоқадор барча ички ҳужжатлар, айтайлик, мукофотлаш тўғрисидаги низом ва хизмат сафарлари тўғрисидаги низом билан таништириш шартми?
П.М.
– Ҳа, янги ходимни унинг ишига тааллуқли бўлган барча ички ҳужжатлар билан таништириш шарт.
Ҳар бир ходим ўзига юклатиладиган меҳнат вазифалари доираси билан олдиндан тилхат олиб таништирилиши лозим (МКнинг 178-моддаси).
Шу сабабли киши меҳнат шартномасини имзолашидан аввал уни, хусусан, қуйидаги ҳужжатлар билан таништириш зарур:
► меҳнат шартномаси (контракти);
► ички меҳнат тартиби қоидалари;
► жамоа шартномаси (агар мавжуд бўлса);
► лавозим йўриқномаси;
► тўлиқ ва жамоанинг (бригаданинг) моддий жавобгарлиги тўғрисидаги шартнома;
► ходимларнинг меҳнатига ҳақ тўлаш ва мукофотлаш тўғрисидаги низом;
► тижорат сири тўғрисидаги низом;
► хизмат сафарлари тўғрисидаги низом;
► ходимнинг меҳнат фаолияти билан бевосита боғлиқ бўлган бошқа локал ҳужжатлар.
Абдусалом Рисқуллаев, «Norma Online» етакчи эксперти.
