Меҳнат шартномасини расмийлаштираётганда унинг иккинчи нусхасини ходимга бериш керакми? Агар керак бўлса, давлат меҳнат ҳуқуқи инспекторлари ушбу талабга риоя этилмаганлиги учун жарима солишлари мумкинми?
Г.Г.
– Ҳа, ходимни ишга қабул қилганда унга меҳнат шартномасининг бир нусхасини бериш лозим.
Одатда, меҳнат шартномаси ёзма шаклда, 2 нусхада тузилиб, ҳар бири тарафлар томонидан имзоланади. Меҳнат шартномасининг бир нусхаси ходимга берилади, бошқаси иш берувчида сақланади (МКнинг 74-моддаси).
Ушбу талабларнинг бажарилмаслиги меҳнат тўғрисидаги қонун ҳужжатларини бузиш деб баҳоланади ва мансабдор шахсларга нисбатан ЭКИҲнинг 2 бараваридан 5 бараваригача миқдордаги жарима кўринишидаги жавобгарликка олиб келади (МЖТКнинг 49-моддаси).
Абдусалом Рисқуллаев, «Norma Online» етакчи эксперти.
