Norma.uz
Газета СБХ / 2017 год / № 43 / Амалий бухгалтерия

Қурилиш ташкилотидаги бошланғич ҳужжат шакллари

 

Кичик қурилиш корхонаси бажарилган ишлар ҳажмларини ишларнинг номлари, суммалар ва бажариш фоизи бўйича ҳисобварақ-фактурада акс эттиради. Бунда бажарилган ишлар далолатномаси (2-сон шакл) расмийлаштирилмайди.

Қурилишда бажарилган ишлар далолатномаси (2-сон шакл) расмийлаштириш шартми?

Бухгалтер.

 

Йўқ, амалдаги қонунчилик нормаларида бажарилган ишлар далолатномасининг бундай шакли назарда тутилмаган.

Ҳозирги пайтда Бажарилган ишлар (қилинган харажатлар) тўғрисида маълумотнома-ҳисобварақ-фактура капитал қурилишда бошланғич ҳисоб ҳужжати ҳисобланади. Унинг шакли ВМнинг 21.05.2004 йилдаги 02-5-56-сон баённома қарори билан тасдиқланган.

Маълумотнома-ҳисобварақ-фактура танлов (тендер) савдоларининг натижалари бўйича ва бевосита шартномалар бўйича амалга ошириладиган лойиҳалаш, қурилиш, реконструкция қилиш, капитал таъмирлашда расмийлаштирилади. Шунингдек у қурилиш «тайёр қилиб топшириш» усули билан олиб борилганда ҳамда бир вақтнинг ўзида лойиҳа ҳужжатларини ишлаб чиқиш (параллель лойиҳалаштириш) билан бирга объектлар қурилишида расмийлаштирилади. Бунда Маълумотнома-ҳисобварақ-фактура, хўжалик юритиш (мулкчилик) шакллари ҳамда молиялаш манбаларидан қатъи назар, қурилиш соҳасида фаолият юритаётган барча ташкилотлар томонидан тўлдирилиши шарт.

Маълумотнома-ҳисобварақ-фактурани тўлдириш тартиби махсус Кўрсатмаларда (Қурилиш соҳасида ислоҳотларнинг амалга оширилиши ва фаолиятни лицензиялаш мониторинги бўйича Республика комиссиясининг 2.02.2009 йилдаги 1-сон баённомасига 2-илова) белгиланган.

«Бажарилган ишлар (қилинган харажатлар) тўғрисида маълумотнома-ҳисобварақ-фактура» бошланғич ҳисоб шакли амалга киритилгунга қадар бажарилган қурилиш ишларини расмийлаштириш учун «Бажарилган ишларни қабул қилиш тўғрисида далолатнома» 2-сон шакли ва унинг асосида тўлдириладиган «Бажарилган ишлар қиймати тўғрисида маълумотнома» 3-сон шакли қўлланилган.

 

Ирина АХМЕТОВА, «Norma Online» эксперти.

Прочитано: 3337 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика