2018 йил 1 январдан бошлаб юридик шахсларга тегишли автотранспорт воситалари ҳайдовчилари зиммасига ана шундай мажбурият юкланади.
Вазирлар Маҳкамасининг «Инновацион ўқитиш услубларини жорий этиш йўли билан ҳайдовчиларни тайёрлаш ва қайта тайёрлаш, шунингдек уларнинг малакасини ошириш тизимини янада такомиллаштириш тўғрисида»ги қарорида (4.09.2017 йилдаги 693-сон) шундай талаб назарда тутилган.
2018 йил 1 июлдан бошлаб эса ҳайдовчи малака ошириш курсларидан ўтганлиги ҳақидаги сертификатсиз корпоратив автотранспортни бошқарганлиги учун маъмурий жавобгарлик жорий этилади. Шунингдек ушбу қоидабузарлик лицензиянинг (лицензия карточкаларининг) амал қилиши тўхтатиб турилишига ёхуд тўхтатилишига олиб келади.
Қарор самарали амалга оширилиши учун инновацион таълим технологияларидан фойдаланган ҳолда автомобиль ҳайдовчиларининг малакасини оширувчи «Avtotest 3.0» ўқув-услубий комплекси ишлаб чиқилди ҳамда курсантларнинг ўзлаштириш даражасини оширишга йўналтирилган таълимни мониторинг қилувчи ва режалаштирувчи комплекс автоматлаштирилган ахборот тизими жорий этилди.
Ўз ахборотимиз.
