Norma.uz
Газета СБХ / 2015 год / № 37 / Божхона

Тадбиркорлик фаолияти – қонун ҳимоясида!

Давлат божхона қўмитасининг «Тошкент-Аэро» ИБКда Президентнинг «Хусусий мулк, кичик бизнес ва хусусий тадбиркорликни ишончли ҳимоя қилишни таъминлаш, уларни жадал ривожлантириш йўлидаги тўсиқларни бартараф этиш чора-тадбирлари тўғрисида» 2015 йил 15 майдаги ПФ–4725-сон Фармонининг мазмун-моҳиятини тушунтиришга бағишланган навбатдаги амалий семинар бўлиб ўтди.

 

Тадбирда таъкидланганидек, мамлакатимиз иқтисодиётида хусусий мулкнинг ўрни ва ролини тубдан ошириш, хусусий мулк ва хусусий тадбиркорликни ривожлантириш йўлидаги тўсиқ ва чекловларни бартараф этиш, иқтисодиётда давлат иштирокини камайтириш, ЯИМда хусусий мулк, жумладан, чет эл капитали улушини изчил ошириш мақсадида қатор ислоҳотлар ўтказилиб, муҳим норматив-ҳуқуқий ҳужжатлар қабул қилинмоқда.

 

ЭНДИ «СЎЗСИЗ» УНДИРИЛМАЙДИ

Фармон билан жорий йилнинг 1 июлидан тадбиркорлик субъектлари томонидан эътироз қилинадиган қўшимча ҳисобланган божхона тўловларини хўжалик суди қарори асосида ундирилишини белгиловчи янги тартиб жорий қилинди. Бу республикамизга импорт товарлари олиб келиш билан шуғулланувчи ТИФ қатнашчиларининг ҳуқуқларини кафолатлашдаги навбатдаги муҳим қадамдир. Чунки аввалги тартибга кўра, божхона расмийлаштируви вақтида тўланмай қолган божхона тўловлари божхона органи томонидан сўзсиз тартибда ундирилар эди. Бунда мазкур тўловлар бўйича ТИФ қатнашчисининг ўринли эътирози ёки аниқ асослари мавжуд бўлган ҳолларда ҳам божхона органлари корхонанинг банкдаги ҳисобрақамига инкассо топшириқномасини қўйиш орқали керакли маблағларни ундириб олар эди.

Янги жорий қилинган тартибга асосан эса, агар тадбиркорлик субъекти божхона органининг қароридан норози бўлса, яъни бу ҳақда божхона органини хабардор қилса, қўшимча ҳисобланган божхона тўловларини ундириш энди сўзсиз тартибда эмас, балки божхона расмийлаштируви вақтида ундирилмай қолинган божхона тўловларини ундирувга қаратиш юзасидан хўжалик судига даъво аризаси киритиш орқали амалга оширилади. Бироқ ушбу тартиб муддати узайтирилган божхона тўловларини ўз вақтида тўламаслик оқибатида юзага келадиган қарздорликларни ундиришга нисбатан татбиқ этилмайди.

 

МУСОДАРА ЭТИШ ТЎҒРИСИДА ҚАРОР ЭНДИ ЧИҚАРИЛМАЙДИ

Фармон билан тасдиқланган чора-тадбирларнинг амалга оширилишини таъминлаш амалдаги бир қатор қонун ҳужжатларига тегишли ўзгартириш ва қўшимчалар киритишни талаб қилар эди. Шу мақсадда «Ўзбекистон Республикасининг айрим қонун ҳужжатларига хусусий мулкни, тадбиркорлик субъектларини ишончли ҳимоя қилишни янада кучайтиришга, уларни жадал ривожлантириш йўлидаги тўсиқларни бартараф этишга қаратилган ўзгартиш ва қўшимчалар киритиш тўғрисида»ги Қонун (20.08.2015 йилдаги ЎРҚ-391-сон) қабул қилинди. Қонунга мувофиқ, «Давлат божхона хизмати тўғрисида»ги Қонун ҳамда Божхона кодексига ҳам тегишли ўзгартириш ва қўшимчалар киритилди.

Жумладан, «Давлат божхона хизмати тўғрисида»ги Қонуннинг 5-моддасида келтирилган божхона органларининг ҳуқуқлари қаторидан экспорт қилиниши ман этилган буюмлар ва маҳсулотлар Ўзбекистон Республикасидан ташқарига олиб чиқиб кетилаётганда, шунингдек акциз маркалари қўйилмаган тамаки маҳсулотлари ва алкоголли ичимликлар республикамиз ҳудудига олиб кирилганда, транспортировка (халқаро транзит бундан мустасно) қилинганда ва сақланганда уларни (хўжалик юритувчи субъектларга нисбатан суд тартибида) мусодара этиш тўғрисида қарор қабул қилиш ҳуқуқи чиқариб ташланди.

 

КОДЕКС ЛОЙИҲАСИГА ЎЗГАРТИРИШ КИРИТИЛДИ

Маълумки, айни пайтда парламентимизда Ўзбекистон Республикасининг янги таҳрирдаги Божхона кодекси лойиҳасини қабул қилиш устида кенг кўламли ишлар олиб борилмоқда. Президентимизнинг Фармони талабларидан келиб чиқиб, мазкур қонун ҳужжати лойиҳасининг 355 ва 359-моддаларига тегишли ўзгартириш ва қўшимчалар киритилди.

Фармонда тижорат мақсадларида фойдаланиш учун товар олиб кираётган якка тартибдаги тадбиркорлар фаолиятини амалга ошириш тартибини соддалаштириш ҳамда бугунги кун талабларига жавоб бермайдиган ортиқча ҳужжатларни бекор қилиш ва қисқартириш кўзда тутилган. Хусусан, юридик шахс бўлмаган ҳолда тадбиркорлик фаолияти билан шуғулланувчи жисмоний шахсларни давлат рўйхатидан ўтказишда уларни ТИАИСВ ва божхона органларида рўйхатдан ўтишларини талаб этиш тартиби бекор қилинди. Шунингдек, улар томонидан импорт қилинадиган товарларни божхонада расмийлаштириш жараёнида 6 турдаги ҳужжатларни, хусусан, йўловчи божхона декларацияси, тадбиркорнинг давлат рўйхатидан ўтганлик тўғрисидаги гувоҳномани, турли лицензия ва сертификатларни талаб қилиш бекор қилинди.

 

ЭКСПОРТ-ИМПОРТ ОПЕРАЦИЯЛАРИ ОСОН РАСМИЙЛАШТИРИЛАДИ

Фармон доирасида экспорт-импорт юклари расмийлаштирувида божхона органларига тақдим этиладиган ҳужжатларнинг тўлиқ рўйхатини тасдиқлаш, ушбу рўйхатда мавжуд бўлмаган ҳужжатларни тадбиркорлик субъектларидан талаб қилишни қатъий тақиқлаш бўйича ҳам топшириқ берилган эди.

Уларнинг ижросини таъминлаш мақсадида Вазирлар Маҳкамасининг «Экспорт-импорт операцияларини амалга оширишда давлат божхона хизмати органларига тақдим этиладиган ҳужжатлар рўйхатини тасдиқлаш ҳақида»ги 20.07.2015 йилдаги 197-сон Қарори қабул қилинди. Унга мувофиқ, товарларни экспорт қилганда шартнома, божхона юк декларацияси, транспорт ҳужжатлари ва товарга илова қилинадиган ҳужжатлар талаб қилинади.

Товарларни импорт қилганда эса божхона юк декларацияси, имтиёзлар қўлланиладиган товарлар учун экспорт божхона юк декларацияси ёки унинг ўрнини босадиган бошқа ҳужжатлар, транспорт ҳужжатлари ва товарга илова қилинадиган ҳужжатлар, товарларнинг келиб чиқиши сертификати талаб этилади.

Тадбиркорлик субъектлари томонидан экспорт ва импорт қилинадиган товарларни расмийлаштириш учун зарур бўладиган, яъни давлат органлари томонидан бериладиган 30 турдаги рухсат этувчи ҳужжатлар божхона органлари томонидан товарлар расмийлаштируви жараёнида бевосита ўша давлат органидан Давлат божхона қўмитасида ташкил этилган электрон дастурлар орқали олиниши тартиби белгиланди.

 

«Тошкент-Аэро» ИБК Ахборот хизмати.

Прочитано: 3745 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика