Ўзбекистон Республикаси Ўзбекистон Республикаси
Молия вазирлиги Давлат солиқ қўмитаси
ММ/04-02-32-04/1043-сон 13/2-23089-сон
2014 йил 25 декабрь
Ўзбекистон Республикаси Молия вазирлиги ва Давлат солиқ қўмитаси маълум қиладики, Ўзбекистон Республикаси Солиқ кодексининг 240-моддасига киритилган ўзгартишларга мувофиқ, 2015 йил 1 январдан бошлаб акциз солиғи бўйича ўн кунлик тўловларни тўлаш бекор қилинади ва тахмин қилинадиган акциз тўланадиган товарларни реализация қилиш ҳажми ва белгиланган ставкадан келиб чиқиб жорий тўловларни тўлаш тартиби жорий этилади.
Айни вақтда акциз солиғи тўловчиларнинг 2014 йил декабрининг учинчи ўн кунлиги учун солиқ мажбуриятини бажариш тартиби амал қилади.
Шу муносабат билан акциз солиғи тўловчилари 2015 йил 3 январдан кечикмай 2014 йил декабрининг учинчи ўн кунлиги учун акциз солиғини тўлашлари керак.
Давлат солиқ хизмати органлари мазкур тушунтиришни тўловчиларнинг тегишли тоифаси эътиборига етказсинлар.
Молия вазирининг ўринбосари ДСҚ раисининг ўринбосари
М.МИРЗАЕВ. О.РУСТАМОВ.