Касаллик варақаси очилган давр стажга киритиладими?
– Касаллик даври давомийлиги тиббиёт муассасалари томонидан берилган вақтинча меҳнатга лаёқатсизлик варақалари билан тасдиқланади. Ушбу давр иш жойи бўйича бериладиган маълумотномалар бўйича белгиланади.
Бунда кўрсатиб ўтилган давр иш стажига фақат қуйидаги шартлар билан киритилади:
• 2019 йил 1 январга қадар бўлган давр учун – Пенсия жамғармасига суғурта бадаллари тўланганда;
• 2019 йил 1 январдан кейинги давр учун – меҳнатга ҳақ тўлаш тарзидаги даромадлар ҳисобланган тақдирда (13.10.2022 йилдаги 592-сон ВМҚга 1-илованинг 60-б.).