Корхона (МЧЖ, ЎзР резиденти) экспорт шартномаси бўйича РФ резидентига хизматлар кўрсатади. Айнан Россия Федерацияси ҳудудида РФ фуқароларига кабель телевидениесига уланиш юзасидан таклифлар бериб, call-марказ хизматларини кўрсатади.
1. Россия Федерацияси ҳудудида РФ резидентига call-марказ хизматларини кўрсатиш бўйича айланмага қайси ставка бўйича ҚҚС солинади?
2. ЭҲФ тақдим этиш лозимми?
|
1 Корхонангизнинг хизматлари харидори РФда фаолиятни амалга оширади. ҚҚС солиш мақсадларида Ўзбекистон хизматларни реализация қилиш жойи ҳисобланмайди (СК 241-м. 1-қ.). Бинобарин, ушбу хизматларга ҚҚС солинмайди. |
|
2 Хизматларни реализация қилишда юридик шахслар ушбу хизматларни сотиб олувчиларга ҳисобварақ-фактурани тақдим этиши шарт (СК 47-м. 1-қ.). |
Азизахон ТОШХЎЖАЕВА,
«Norma» МЧЖ эксперти.
