Norma.uz
Норма маслахатчи / 2019 йил / № 18 / Юридик кўмакчи

Ижара шартномаси: тарафларнинг ҳуқуқ ва мажбуриятлари

 

Ижарага берилган мол-мулкни ким таъмирлаши керак?

 

– Мол-мулк ижарага берилганда шартнома тарафларининг мажбуриятлари белгиланади.

Ижарага берувчи қуйидагиларни амалга ошириши шарт:

● агар қонун ҳужжатлари ёки шартномада бошқача тартиб назарда тутилган бўлмаса, мол-мулкни капитал таъмирлаши (ФКнинг 547-моддаси 1-қисми);

● ижарага олувчи жавобгар бўлмаган ҳолатлар натижасида келиб чиққан шошилинч зарурат туфайли ўтказиладиган таъмирлашни ўз ҳисобидан амалга ошириши (ФКнинг 547-моддаси 2-қисми).

Ижарага олувчининг мажбуриятлари:

● агарда қонун ёки шартномада бошқача тартиб белгиланган бўлмаса, мол-мулкни яхши ҳолда сақлаши, уни ўз ҳисобидан жорий таъмирлаши ва сақлаш бўйича бошқа харажатларни қилиши лозим (ФКнинг 548-моддаси).

Ижарага берувчи капитал таъмирлаш шартларини бузганда ижарага олувчи қуйидаги ҳуқуқларга эга:

● шартномада белгиланган ёхуд шошилинч зарурат тақозо этаётган капитал таъмирлашни амалга ошириб, унинг қийматини ижарага берувчидан ундириб олиш ёхуд мол-мулкдан фойдаланганлик учун тўланадиган ҳақ ҳисобига ўтказиш;

● ҳақни тегишинча камайтиришни талаб қилиш;

● шартномани муддатидан олдин бекор қилиш ва зарарнинг қопланишини талаб қилиш (ФКнинг 547-моддаси 4-қисми).

 

* * * 

 

Офис ижарага берилганда коммунал хизматлар ҳақини ким тўлаши керак?

 

Тарафлар ижара шартномасини тузиш чоғида қуйидагиларни назарда тутишга ҳақли:

1) коммунал хизматларни ижара ҳақининг қийматига киритиш;

2) ижарага берувчи тақдим этган счёт асосида ижарага олувчи томонидан ҳақиқатда истеъмол қилинган коммунал хизматларнинг қопланиши (Тартибнинг 5-бўлими, 3-илова, АВ томонидан 21.01.2019 йилда 3126-сон билан рўйхатдан ўтказилган);

3) ижарага олувчининг таъминловчи ташкилотлар билан тўғридан-тўғри тузилган шартномалар асосида коммунал хизматлар ҳақини тўлаши (Қоидаларнинг 93-банди, ВМнинг 12.01.2018 йилдаги 22-сон қарорига 1-илова; Қоидаларнинг 6-боби, ВМнинг 22-сон қарорига 2-илова; Қоидаларнинг 15-банди, ВМнинг 15.07.2014 йилдаги 194-сон қарорига 2-илова; Қоидаларнинг II бўлими, ВМнинг 194-сон қарорига 3-илова).

 

Прочитано: 330 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2018 г. Все права защищены.
18+   Яндекс.Метрика