ННТ тасдиқланган харажатлар сметаси доирасида молиялаштирилади. Муассислар сақлаш учун бадаллар тўлайдилар. Тадбиркорлик фаолиятини юритмаймиз. Ташкилотда 20 нафар пенсионер ишлайди. Айни пайтда ПЖнинг туман бўлими 100% пенсия тўланиши тўғрисида ахборотга эга эмас.
Уларга пенсияни қандай ҳисоблайлик: 100%ми ёки 50%?
ННТ 2018 йил июндан 15%лик ЯИТ ставкасини қўллашга ҳақлими?
Р.Пеонова.
– 2018 йил 1 июндан бошлаб меҳнатга ҳақ тўлаш фондини тадбиркорлик фаолияти билан боғлиқ бўлмаган келиб тушган маблағлар ҳисобидан шакллантирувчи нодавлат нотижорат ташкилотлари учун ЯИТ ставкаси 15%дан кўп бўлмаган миқдорда белгиланади (4.05.2018 йилдаги ПФ-5430-сон Фармоннинг 4-банди).
Шу сабабли агар иш ҳақи устав фаолиятига муассислардан олинган маблағлар эвазига ҳисобланаётган бўлса, 2018 йил июндан бошлаб ННТ 15%дан кўп бўлмаган ЯИТ ставкасини қўллашга ҳақли.
Башарти ННТда ишловчи пенсионерларнинг ушбу ташкилотдаги фаолияти ягона иш жойи ҳисобланса, шу пайтдан бошлаб уларга пенсия тўлиқ миқдорда тўланиши керак.
Жавобни «Norma» МЧЖ экспертлари тайёрладилар.
