1 гектардан ортиқ ер участкаларига эга бўлган ягона солиқ тўловини (ЯСТ) тўловчилар томонидан ер солиғи ҳисоб-китобини тақдим этиш муддатлари аниқлаштирилди.
Умумий майдони 1 гектардан ортиқ бўлган ер участкаларига эга бўлган ЯСТ тўловчилар 2018 йилнинг 1 январидан бошлаб ер солиғи тўлашлари шарт (29.12.2017 йилдаги ПҚ–3454-сон қарорнинг 7-банди). 10 январача улар ер участкаси жойлашган жой бўйича солиқ хизмати органларига ер солиғи ҳисоб-китобини тақдим этишлари лозим эди (Солиқ кодексининг 285-моддаси).
2018 йил 6 февралдаги КА/04-03-32-04/164 ва 13/3-03006-сонли Ахборот хати билан Молия вазирлиги ва ДСҚ 1 гектардан ортиқ ер участкасига эга бўлган ЯСТ тўловчиларни ер солиғи бўйича ҳисоб-китобларни ЯСТ тўловчилар томонидан ер солиғини ҳисоблаб чиқариш ва тўлаш тартиби тўғрисидаги низом тасдиқлангандан кейин топширишлари ҳақида хабардор қилади.
Бинобарин, 10 январгача ер солиғи бўйича ҳисоб-китобларни тақдим этмаганлик учун умумий майдони 1 гектардан ортиқ ер участкаларига эга ЯСТ тўловчиларга нисбатан ҳеч қандай санкциялар қўлланилмайди.
Татьяна Белоусова.
«Norma» МЧЖ эксперти.
