Мен яқинда пенсия ола бошладим. ШЖБПҲдан ишлаган йилларимда жамғарилган маблағларни ҳам олдим. Менда уларга солиқ солиш билан боғлиқ муаммолар бўлмайдими? Ушбу даромадларни декларациялашим керакми?
Н.Петрова,
Тошкент шаҳри.
– Йўқ, мазкур маблағларни декларациялаш керак эмас. Қонуннинг 67-моддасига кўра пенсияларга солиқ солинмайди. Шунингдек жамғариб бориладиган мажбурий пенсия бадалларидан, шахсий жамғариб бориладиган пенсия ҳисобварақларидаги маблағларга ҳисоблаб чиқарилган фоизлардан ҳамда бундай маблағлар фойдаланилишидан фуқаролар ва Халқ банки оладиган бошқа даромадлардан, жамғариб бориладиган пенсия тўловларидан, шунингдек жамғариб бориладиган пенсия тизими маблағлари айланмасидан солиқлар ва бошқа мажбурий тўловлар олинмайди (2.12.2004 йилдаги «Фуқароларнинг жамғариб бориладиган пенсия таъминоти тўғрисида»ги 702-II-сон Қонуннинг 14-моддаси).
