Ягона солиқ тўловини тўловчи корхона хорижий валютада ҳақ олади. Валюта бўйича ҳисоботларни топшириш керакми? Қайси инстанцияларга? Қандай даврийлик билан?
– Валюта тушуми оладиган корхоналар, Хўжалик юритувчи субъектлар томонидан хорижий валютадаги тушумни мажбурий сотиш тартибининг (ВМнинг 29.06.2000 йилдаги 245-сон қарорига 1-илова) 15-бандига кўра солиқ инспекциясига Марказий банк ва ваколатли банкларга мажбурий сотилиши керак бўлган валюта тушуми миқдори ҳисоб-китобини қуйидаги муддатларда тақдим этишлари керак:
l агар валюта тушуми мажбурий сотиладиган бўлса (50 ёки 100%) – ҳисобот ойидан кейинги ойнинг 5-кунигача ҳар ойда;
lагар корхона валюта тушумини мажбурий сотишдан озод қилинган бўлса – ҳисобот чорагидан кейинги ойнинг 25-кунидан кечикмасдан.
Ҳисоб-китоб шакли юқоридаги Тартибга 3-иловада келтирилган.
Жавобларни «Norma Ekspert» мутахассислари тайёрладилар.
