Суд корхонанинг УФ миқдорини оширишни ҳақиқий эмас деб топса…

Корхонамиз вилоятнинг эркин иқтисодий зонасида жойлашган бўлиб, саноат маҳсулотлари ишлаб чиқариш билан шуғулланади. Дастлаб устав фонди икки таъсисчи томонидан тенг улушларда шакллантирилган. ЎзР ВМнинг 10.04.2017 йилдаги 196-сон қарорига мувофиқ, устав фонди кўпайгандан сўнг корхона солиқлар ва божхона тўловлари бўйича имтиёзларга эга бўлди. УФнинг биринчи кўпайиши 2022 йил декабрь ойида қайд этилган. УФнинг кўпайиши иккала таъсисчи номидан пул маблағлари ва материаллар киритиш орқали амалга оширилган. 2025 йилда УФдаги улуши камайтирилган таъсисчи устав фондини кўпайтиришни бекор қилишни талаб қилиб, судга даъво аризаси киритади, чунки кўпайтириш унинг розилигисиз ва иштирокисиз амалга оширилган. 2026 йилда суд даъвони қаноатлантириб, таъсисчиларнинг қарорлари ва УФ кўпайтиришни давлат рўйхатидан ўтказишни ҳақиқий эмас деб топди. Бухгалтерия ва солиқ ҳисобида УФни камайтириш қандай амалга оширилади? Бухгалтерия ва солиқ ҳисоботларига қандай ўзгартиришлар киритиш керак ва қайси ҳисоб даврида? Агар таъсисчи даъво аризасида УФнинг кўпайиши унинг иштирокисиз содир бўлганлигини кўрсатган бўлса, УФни кўпайтиришга сарфланган маблағ ва хом ашё қандай тартибда қайтарилади? Бу барча қўйилган пул маблағлари ва материаллар, баённомаларга кўра маблағлар иккаласининг номига қўйилганлигидан қатъи назар, иккинчи таъсисчига қайтарилади, деганими? 10.04.2017 йилдаги 196-сон ВМҚга мувофиқ корхонага берилган солиқ ва божхона тўловлари бўйича имтиёзлар бекор қилинадими ва бекор қилиш тартиби қандай? Агар имтиёзлар бекор қилинса, уларнинг бекор қилинишини бухгалтерия ва солиқ ҳисобида қандай тартибда ҳисобга олиш керак? Эски йиллар учун ёки жорий йилнинг 3-чораги учун ўзгартиришларни қайси давр учун киритиш керак? Қандай тартибда ва қандай шаклда ўзгартиришлар киритилади?