Экспорт қилувчилар учун фойда солиғи бўйича ноль даражали ставка бекор қилиниши қачон кучга киради
2025 йил 1 январдан Ўзбекистонда товар ва хизматларни экспорт қилувчилар учун фойда солиғи бўйича ноль даражали ставка бекор қилинади (СК 337-м. 1-қ. 6-б.). Ноль даражали ставка ўрнига 15% миқдорида ставка жорий этилади (27.12.2024 йилдаги ЎРҚ-1014-сон).
Кўплаб бухгалтерларда савол туғилди – нега янги ставка одатдагидек имтиёзларни бекор қилишда бўлгани каби 1 апрелдан эмас, балки 2025 йил 1 январдан қўлланилади? Ахир СК 4-моддаси 5-қисмида имтиёзларни бекор қилиш тўғрисидаги ҳужжатлар расмий эълон қилинганидан сўнг 3 ой ўтгач кучга киритилиши белгиланган.