Фойда солиғини пасайтирилган ставкада тўлаш имконияти

СКнинг 337-моддаси 11-қисмида бундай дейилган: «Қуйидагилар ушбу модда биринчи қисмининг 12-бандида белгиланган солиқ ставкасини 50 фоизга пасайтиришга ҳақли: … 2022 йил 1 сентябрдан кейин жами даромади жорий солиқ даври мобайнида илк марта ўн миллиард сўмдан ошган солиқ тўловчилар – жорий солиқ даври ва кейинги солиқ даври мобайнида, башарти пасайтирилган солиқ ставкаси қўлланиладиган солиқ даврларида жами даромади юз миллиард сўмдан ошмаса». Эътибор бериб қаралса, 2022 йил 1 сентябрдан кейин «жорий солиқ даври ва кейинги солиқ даври мобайнида» илк марта дейилган. Бунда қайси давр назарда тутилган: 2022 йилми ёки ундан кейинги даврларда ҳам ошса, бу имтиёздан фойдаланиш мумкинми? Агар солиқ тўловчининг жами даромади 2026 йилда ҳам илк марта 10 млрд сўмдан ошса, имтиёзни қўллаш мумкинми?