Экспедиторлик хизматларига ҚҚС солиш

Ўзбекистон корхонаси норезидентга божхона транзити тартиби остидаги хорижий товарни етказиб бериш бўйича экспедиторлик хизматларини кўрсатмоқда. Ўзбекистон – Хитойдан Афғонистонга товар ташишнинг оралиқ транзит участкаси. Товар Ўзбекистонга келиш жойидаги божхона органидан Ўзбекистондан чиқиш жойидаги божхона органигача, кейин Афғонистонга ташилади. Экспедиторлик хизматларига, хусусан, брокерлик хизмати, Тошкентда божхона расмийлаштируви ва Ўзбекистон орқали транзитда терминал харажатларини тўлаш киради. Ўзбекистон ҳудуди орқали Афғонистонга товар транзитида экспедиторлик хизматларига ҚҚС қандай солинади? Ҳисобварақ-фактуралар қандай расмийлаштирилади?