Компенсация ҳисобланадими?

Вазирлар Маҳкамасининг 2024 йил 31 майдаги «Электр энергияси ва табиий газдан фойдаланиш қоидаларини тасдиқлаш тўғрисида»ги 319-сон қарорига 2-илованинг 4-бандида газдан фойдаланиш ускуналарини – буюртма асосида бир йилда бир марта газ таъминоти ташкилоти ёки тегишли ваколатга эга бўлган ташкилотларни жалб қилган ҳолда техник тафтишдан ўтказилишини таъминлаш маиший истеъмолчиларнинг мажбурияти этиб белгиланган. Шу сабабли «Ҳудудгазтаъминот» АЖнинг «Истеъмолчиларга сервис хизматини кўрсатиш» йўналиши 2024 йил 1 июлдан тугатилди ҳамда шу йўналишда ишловчи ходимларга МКнинг 161-моддаси 2-қисми 2-бандига асосан 2 ойлик огоҳлантириш хати берилган. Бу йўналишда ишловчиларга ойлик иш ҳақи ишбай асосда ҳисоб-китоб қилиб келинган (истеъмолчиларга хизмат кўрсатишдан тушган маблағ ҳисобидан). Ушбу огоҳлантириш даврида шу йўналишда ишловчилар иш жараёнида эмас, истеъмолчиларга хизмат кўрсатилмаяпти ва маблағ ундирилмаяпти. Огоҳлантириш даврида иш жарёнида бўлмаган ходимларга 2 ойлик компенсация тўловлари ҳисобланадими ёки йўқми?