Veolia Energy Tashkent иситиш таъминоти хизматлари лозим даражада бўлмаганлиги учун қайта ҳисоб-китоб қилишни бошлади

Маълумки, қиш кунларида ҳаво бирдан совиб кетди ва бунинг натижасида газ босимининг камайиши кузатилди. Тошкент шаҳридаги иссиқлик таъминоти корхоналари истеъмолчиларга параметрларга ва ҳарорат графигига мувофиқ иссиқлик манбаини бера олмади. Шу муносабат билан ҳамда иссиқлик энергияси таъминотида узилишлар юзага келганда «Veolia Energy Tashkent» МЧЖ ХК тимсолида иссиқлик энергиясини етказиб берувчи лозим даражада энергия манбаи етказиб берилмаган давр учун истеъмолчиларга қайта ҳисоб-китоб қилиб беришни ўз зиммасига олди.