Божхона тартиботлари: қонунчиликдаги янгиликлар

Ўзбекистон божхона брокерлари уюшмаси томонидан анъанага кўра йил якунланиши арафасида қонунчилик ва амалиётдаги асосий ўзгаришлар, келгуси йилги янгиликларга бағишланган семинар ўтказилди. Гибрид форматда (параллель равишда онлайн-намойиш қилинган) ташкил этилган тадбир Германия халқаро ҳамкорлик жамиятининг (GIZ TFCA) «Марказий Осиёда савдо тартиб-таомилларини соддалаштириш» лойиҳаси кўмагида ҳамда Давлат божхона қўмитасининг фаол иштирокида ўтказилди. Семинарда ББУ аъзолари – божхона брокерлари, ТИФ соҳасида хизматлар кўрсатувчи компаниялар, фирма раҳбарлари, божхона расмийлаштируви бўйича мутахассислар иштирок этди.