Биз божхона божидан озод қилинган ўсимликлар уруғини олиб кирган эдик. Коронавирус сабабли уни божхонадан ўтказиш чўзилиб кетди.
Бу бизга берилган имтиёзларга таъсир кўрсатмайдими?
– Президентнинг «Ўзбекистон Республикасида мева-сабзавотчиликни жадал ривожлантиришга доир қўшимча чора-тадбирлар тўғрисида»ги Фармони (29.03.2018 йилдаги ПФ-5388-сон) билан четдан олиб кириладиган уруғлар, кўчатлар ва пайвандтаглар 2021 йил 1 январга қадар божхона тўловларидан озод қилинган (6-б.). Бож тўловларидан (божхона расмийлаштируви учун йиғимлардан ташқари) озод қилинадиган уруғлик, кўчатлар ва пайванд қўйиладиган туплар, минерал ўғитлар, ўсимликларни кимёвий ҳимоя қилиш воситалари, энергия тежайдиган замонавий иссиқхоналарнинг бутловчи буюмлари рўйхати Фармонга иловада келтирилган.
