Компаниямиз тиббиёт муассасаларига (поликлиникаларга) текинга интернет хизматларини кўрсатмоқчи.
Бундай хизматларни кўрсатиш учун тиббиёт муассасаси билан қандай турдаги шартномани тузиш зарур?
С.Козлова.
– Фуқаролик тўғрисидаги қонун ҳужжатларида бошқа тарафга ундан ҳақ ёки бошқа муқобил тўлов олмасдан бирон нарсани текинга бериш учун шартнома тузишга йўл қўйилади (ФКнинг 355-моддаси 2-қисми).
Фуқаролар ва юридик шахслар шартнома тузишда эркиндирлар, қонун ҳужжатларида назарда тутилмаган шартномани ҳам тузишлари мумкин (ФКнинг 354-моддаси). Бироқ компанияга текинга хизматлар кўрсатиш шартномасини тузишни тавсия этамиз.
Шартлари аниқ қайд этилган шартноманинг мавжудлиги ижрочига муайян мажбуриятларни юклаш учун асос ҳисобланади. Ижрочининг битимда иштирок этишга розилиги ва муайян хизматларни кўрсатишга тайёрлигини тасдиқлаши буюртмачига шартнома билан ижрочи зиммасига юклатилган мажбуриятларни лозим даражада бажаришини талаб қилиш ҳуқуқини беради.
Алибек Худойберганов, «Norma Online» эксперти.
