Norma.uz
Газета СБХ / 2017 год / № 22 / Ҳужжатли расмийлаштириш

Шартлар ўзгарганда шартномани ўзгартиринг

 

Жамият (МЧЖ) солиқ солишнинг соддалаштирилган тартибини қўллайди. Айни пайтда молиялаштиришнинг марказлаштирилган манбалари ҳисобига, шу жумладан 2016 йилдан ўтаётган тендер савдолари асосида; тўғридан-тўғри шартномалар бўйича амалга оширилаётган объектлар бўйича қурилиш-монтаж ишларини бажармоқда. Солиқ қонунчилигидаги ўзгартиришларга (27.12.2016 йилдаги ЎРҚ-417-сон) мувофиқ, кўрсатилган объектлар ҚҚС ҳисоблаб ёзилган ва тўланган ҳолда бухгалтерия ҳисобига олинади.

Ўтган йилдан ўтаётган объектлар бўйича амалдаги шартномаларга шартнома қиймати қисмида Солиқ кодексининг 349-моддасига тузатишлар киритилиши муносабати билан ҚҚС суммасига ўзгартиришлар киритилиши керакми?

Л.Ким.

 

Тарафлар ўз ҳуқуқ ва бурчларини белгилашлари, шунингдек қонун ҳужжатларига мувофиқ шартнома шартларини аниқлашлари зарур (ФКнинг 1-моддаси 2-қисми). Қонун ҳужжатларининг талабларига мувофиқ келмайдиган мазмундаги битим ўз-ўзидан ҳақиқий эмас, яъни унинг ҳақиқий эмаслиги билан боғлиқ бўлган оқибатлардан ташқари бошқа юридик оқибатларга олиб келмайди ва у тузилган пайтидан бошлаб ҳақиқий эмасдир (ФКнинг 113, 114, 116-моддалари).

Агар тарафлар ўртасида шартноманинг барча муҳим шартлари бўйича келишувга эришилган бўлса, хўжалик шартномаси тузилган деб ҳисобланади («Хўжалик юритувчи субъектлар фаолиятининг шартномавий-ҳуқуқий базаси тўғрисида»ги Қонуннинг 12-моддаси).

Қурилиш пудрати шартномасида шартлашилган нарх унинг муҳим шартларидан бири ҳисобланади (ФКнинг 666-моддаси). Тарафларнинг бажариладиган ишлар нархини келишиш зарурати қурилиш пудрати шартномасининг элементи сифатида тўғридан-тўғри кўрсатилган, масалан, умумий пудрат шартномаси тушунчасида ушбу элемент мавжуд эмас (ФКнинг 631-моддаси).

Солиқ солишнинг соддалаштирилган тартиби назарда тутилган солиқ тўловчилар учун ҳам тендер объектларида қурилиш-монтаж ишлари ҳақини тўлашда ҚҚСни тўлаш мажбурий бўлди (27.12.2016 йилдаги ЎРҚ-417-сон Қонун таҳриридаги Солиқ кодексининг 349-моддаси). ҚҚС тўловга киритилиши ва буюртмачи билан келишиш лозим бўлган шартнома нархини ўзгартириши сабабли шартномага ҳам тегишли ўзгартиришлар киритиш зарур деб ҳисоблаймиз.

 

Эркин ҲОСИЛОВ,

«Norma Online» эксперти. 

Прочитано: 1639 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика