Мен стажга эга ҳайдовчиман, исталган тоифадаги транспортни бошқариш ҳуқуқига эгаман. Бир йилдан ортиқ муддат ихтисослигим бўйича ишламадим. Ишга кираётганимда ҳуқуқимни тасдиқлаш учун мени ДЙҲХХга юбордилар. Маъмурият бунга ҳақлими?
Хафизин.
Тошкент ш.
– Маъмуриятнинг хатти-ҳаракатлари мутлақо ўринли. Ҳар қандай транспорт воситаларини бошқариш ҳуқуқини берувчи ҳайдовчилик гувоҳномаси бўлган шахс 12 ойдан кўп вақт уни бошқармаган бўлса, иш берувчи томонидан у ҳудудий ЙҲХБ РИБ (ТРИБ)ларига назарий ва амалий имтиҳонларни топшириш учун юборилади. Имтиҳонларни ижобий топширган шахслар камида 30 соатлик амалий бошқариш бўйича кўникма (стажировка)дан ўтганидан кейин, уларга транспорт воситаларини мустақил бошқаришига рухсат этилади (Низомнинг 32-банди, ВМнинг 2.08.2006 йилдаги 156-сон қарорига 1-илова).
«АвтоНорма» бўлимини мухбиримиз Алла Ромашко олиб боради.
