Товарларни олиб келаётганда кўпинча импорт қилувчилар ҳар турли муаммоларга дуч келишади. Шундай муаммолардан энг кўп тарқалгани – декларант юкни божхонада декларациялаётганда маълум қилган Ташқи иқтисодий фаолият товар номенклатураси кодидан божхона органининг норози бўлиши. Божхона хизмати вакиллари билан бўладиган учрашувларда бу саволнинг мунтазам кўтарилиши ҳам бежиз эмас. Тўғри-да, божхона органининг ТИФ ТН кодига рози бўлмаслиги ташқи иқтисодий фаолият иштирокчилари учун жиддий харажатларга олиб келиши мумкин – божхона тўловларини қўшимча тўлаш, маъмурий ундирувлар, қўшимча ҳужжатларни сўраб олиш, транспортнинг туриб қолиши, божхона омборида ҳақ эвазига сақлаш, юкни омборга тушириш бўйича терминал харажатлари ва ҳ.к. ЎзР Божхона брокерлари уюшмасининг раиси Арсен Айрапетьянцнинг фикрича, муаммони оптимал тарзда ҳал қилишнинг йўли божхона органларига товарларни таснифлаш бўйича дастлабки қарорни қабул қилиш тўғрисида сўров билан мурожаат қилишдир. Махсус мухбиримиз билан суҳбатда у мазкур тартиб-таомил ва унинг ТИФ иштирокчилари учун фойдалари хусусида гапириб берди.

Корхоналар тайёр маҳсулот ёки товарларни реализация қилиш чоғида воситачилар билан воситачилик шартномасини тузиб, уларнинг хизматларидан фойдаланишлари мумкин. ҚҚС ва фойда солиғини тўловчиларда товарларнинг воситачилар орқали сотилиши қандай расмийлаштирилади ва ҳисобга олинади? Cаволга «Norma» компанияси эксперти Олег ЦОЙ жавоб берди.

Ўзбекистон Республикаси Вазирлар Маҳкамасининг қарори

МЧЖ жисмоний шахс ҳисобланадиган учта муассисга эга. Улардан бири ўз улушини бошқа муассисга сотиб (ёки ҳадя қилиб) муассислар таркибидан чиқишга қарор қилди. 1. Улушни сотиш (ёки ҳадя қилиш) қандай расмийлаштирилади? 2. Бу қандай солиқ оқибатларини юзага келтириши мумкин?

Жисмоний шахс корхонанинг устав фондига хусусий кўчмас турар жойини, айнан квартирасини киритди. Жисмоний шахс томанидан квартира сотиб олинганига 36 ой бўлмаган. Жисмоний шахс томонидан корхонанинг устав фондига квартира кадастр қиймати бўйича ёки ушбу қийматдан юқори нархда берилганда қандай солиқ оқибатлари юза келиши мумкин?

Резидент ҳисобланган воситачи топшириқ бўйича комитент-норезидент учун чегарани кесиб ўтмаган товарни харид қилади. 1. Воситачи-резидент томонидан товарни комитент-норезидентга бериш мазкур товар Ўзбекистон Республикаси ҳудудидан ташқарига чиқарилмаганда экспорт ҳисобланадими? 2. Бунда сотувчи ва воситачи томонидан ЭҲФ қандай тақдим этилади?

Айланмадан олинадиган солиқни тўловчи корхона асосий воситани реализация қилган. 5-сон БҲМСнинг 53-бандига ва СКнинг ¬298-моддасига мувофиқ асосий воситанинг чиқиб кетишидан молиявий натижани аниқлашда зарар кўрилганлиги маълум бўлган. 2020 йилнинг 9 ойи якунлари бўйича 3-устуннинг 010-сатри ЭҲФ тизимдан автоматик тарзда йиғиладиган бўлса, айланмадан олинадиган солиқни тўловчи сифатида асосий восита реализация қилинганда ¬ЭҲФни қандай тўлдириш мумкин?

Корхонанинг фаолият тури – қишлоқ хўжалиги. Компания тикланиш жараёнида бўлганлиги сабабли ҳозирча реализация амалга оширилмаяпти. Харид қилинган товарлар, хизматлар, АВ бўйича салбий ҚҚС мавжуд. ВМнинг 14.08.2020 йилдаги 489-сон қарорига мувофиқ корхона салбий ҚҚСни қайтариш имкониятидан фойдаланишга ҳақлими?

Молия вазирлиги томонидан 7-сон Бухгалтерия ҳисоби миллий стандарти «Номоддий активлар»нинг янги таҳрирдаги лойиҳаси ишлаб чиқилди.