Порталда эълон қилиш шартми?

Жамиятимиз томонидан ишлаб чиқаришни таъминлаш мақсадида биржа ва кимошди савдолари орқали маҳсулот (иш ва хизмат)ларни етказиб берувчи ташкилотлар билан битимлар тузилмоқда. Шунингдек, ўзи ишлаб чиқарган маҳсулотларни ҳам реализация қиламиз. Маҳсулот (иш ва хизмат)ларни сотиб олувчи ва етказиб берувчилар орасида жамиятга аффилланган шахс бўлиб ҳисобланган (юридик ва жисмоний) шахслар билан ҳам битимлар тузилмоқда. 6.05.2014 йилдаги «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги ЎРҚ-370-сон Қонунда аффилланган шахслар билан шартномалар (битимлар) имзолаш тартиби белгиланган. Ушбу Қонуннинг 91-моддасига кўра, биржа ва кимошди савдолари орқали тузиладиган битимларга, агар жамиятнинг ишлаб чиқариш ва хўжалик эҳтиёжлари учун фойдаланиладиган хом ашё ва материаллар, шунингдек жамият томонидан ишлаб чиқариладиган тайёр маҳсулот битим предмети бўлса, аффилланган шахсларга оид қоидалар татбиқ этилмайди. Жамиятимиз томонидан биржа ва кимошди савдолари орқали аффиланган шахслар билан тузилаётган битимлар тўғрисида муҳим фактларни жамиятнинг расмий веб-сайтида ва openinfo.uz Корпоратив ахборотнинг ягона порталида эълон қилиш шартми ёки йўқми?