soliq.uz ва my.gov.uz сайтларида иш ҳақи тўғрисидаги маълумотнома сўралганда 2020 йилдаги пенсия ҳисобланмалари мавжуд эмас. Аслида шундай бўлиши керакми ёки бу тизимдаги узилишларми?
– Саволда қандай пенсия ҳисобланмалари – Пенсия жамғармасига суғурта бадаллари ёки жамғариб бориладиган пенсияга мажбурий бадаллар ҳақида айтилганми – бу аниқ келтирилмаган.
2020 йил 1 январдан бошлаб Пенсия жамғармасига суғурта бадаллари бекор қилинган. Унинг ўрнига ижтимоий солиқ жорий этилган (29.06.2018 йилдаги ПФ-5468-сон Фармоннинг 2-б. «а» кичик б.). Тегишинча, иш ҳақидан Пенсия жамғармасига суғурта бадаллари кўринишидаги ажратмалар мавжуд эмас, иш ҳақи тўғрисидаги маълумотлар сўралганда ушбу графада ажратмалар акс эттирилмайди.