Norma.uz
Норма маслахатчи / 2021 йил / № 17 / Қонунчиликдаги янгиликлар

Янги таҳрирдаги «Норматив-ҳуқуқий ҳужжатлар тўғрисида»ги Қонун қабул қилинди

 

20.04.2021 йилдаги «Норматив-ҳуқуқий ҳужжатлар тўғрисида»ги ЎРҚ-682-сон Қонун Президент томонидан имзоланди. 

 

Қонуннинг янги таҳрири 8 боб ва 60 моддадан иборат (аввалги таҳририда – 7 боб ва 44 модда бўлган). Шунингдек Қонунга илова тариқасида, Норматив-ҳуқуқий ҳужжатлар лойиҳаларини, шунингдек уларга илова қилинадиган ахборот-таҳлилий материалларни юридик-техник жиҳатдан расмийлаштиришнинг ягона услубиёти қабул қилинди.

Қонун билан фуқароларнинг «Ўзбекистон Республикаси референдуми тўғрисида»ги Қонунда белгиланган тартибда ўтказиладиган референдум йўли билан норматив-ҳуқуқий ҳужжатлар (кейинги ўринлардаНҲҲ) қабул қилиш ҳуқуқи мустаҳкамланди.

НҲҲ билан тасдиқланадиган ҳужжатлар рўйхати кенгайтирилди. Энди булар жумласига регламентлар, стратегиялар, концепциялар, доктриналар, дастурлар («йўл хариталари») ва бошқа ҳужжатлар ҳам киритилди. НҲҲ лойиҳалари Адлия вазирлиги ва унинг ҳудудий бўлинмалари томонидан ҳуқуқий экспертизадан ўтказилиши тўғрисидаги модда киритилди. Адлия вазирлиги томонидан ҳуқуқий экспертизадан ўтказиш муддатлари белгиланди.

НҲҲ ва улар лойиҳаларининг коррупцияга қарши экспертизадан ўтказишнинг ўзига хос жиҳатлари тартибга солинди. Мазкур экспертиза давлат органлари ва ташкилотлари томонидан фаолиятнинг тегишли турлари бўйича ўтказилади.

НҲҲ лойиҳалари манфаатдор давлат органлари ва ташкилотлар ҳамда қонунчиликда назарда тутилган ҳолларда бошқа давлат органлари ва ташкилотлар билан мажбурий тартибда келишилиши белгиланди. Келишиш НҲҲ лойиҳаларини келишишнинг махсус ахборот тизими орқали электрон шаклда амалга оширилади.

НҲҲ лойиҳасини НҲҲ қабул қилиш ҳуқуқига эга бўлган органга киритиш ҳамда уни қабул қилиш тартиби алоҳида бобда берилган. Хусусан, тайёрланган НҲҲ лойиҳаси НҲҲ қабул қилиш ҳуқуқига эга бўлган органга давлат тилида киритилиши белгиланган. Зарур бўлган ҳолларда, унинг бошқа тиллардаги таржимаси тақдим этилиши мумкин. Ушбу бобда ҳуқуқий эксперимент, тартибга солиш таъсирини баҳолаш тушунчалари ҳам берилган.

Шунингдек фуқаролар, фуқароларнинг ўзини ўзи бошқариш органлари, ННТ, ОАВ «Жамоатчилик назорати тўғрисида»ги Қонун ва бошқа қонунчилик ҳужжатларига мувофиқ НҲҲ ижросининг мониторинги ва назоратини амалга ошириши мумкинлиги белгиланган.

 

Ҳужжат Қонун ҳужжатлари маълумотлари миллий базасида (lex.uz) эълон қилинган ва 20.04.2021 йилдан кучга кирди.

Прочитано: 40 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2020 г. Все права защищены.
18+   Яндекс.Метрика