Norma.uz
Норма маслахатчи / 2021 йил / № 14 / Паспорт масалалари

Акани рўйхатга олиш мумкин эмас

 

Тошкентдаги ўз турар жойимга Самарқандда яшайдиган туғишган акамни доимий рўйхатга олишим мумкинми?

 

– Йўқ, мумкин эмас. Рўйхатнинг 4-бандига мувофиқ ота-онаси бўлмаган вояга етмаган туғишган ака-ука ва опа-сингиллар, шунингдек меҳнатга қобилиятсиз бўлган ҳамда ўз оиласи (эри (хотини) ва фарзандлари) бўлмаган вояга етган туғишган ака-ука ва опа-сингиллар ўзларининг туғишган ака-ука ёки опа-сингиллари доимий рўйхатга олинган уй-жой майдонига доимий рўйхатга олинади.

Бундай фуқароларни доимий рўйхатга олиш учун МваФРБга қуйидаги ҳужжатлар тақдим этилади:

● мулкдор аризаси ёхуд нотариал тасдиқланган аризаси (розилиги), агар шахсан ўзи бориш имкони мавжуд бўлмаса;

● доимий рўйхатга олинаётган фуқаронинг паспорти ёки ID-картаси;

● туғилганлик тўғрисидаги гувоҳномалар;

● ТМЭК маълумотномаси (меҳнатга қобилиятсиз фуқаролар учун) (Низомнинг 12-б.).

Шу тариқа, агар акангиз ота-онасиз қолганда ҳамда меҳнатга лаёқатсиз бўлганда ва ўз оиласи бўлмаганда, уни сизнинг Тошкентдаги манзилингизга доимий рўйхатга олиш мумкин бўларди.

Прочитано: 34 раз(а)

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2020 г. Все права защищены.
18+   Яндекс.Метрика