Давлат хизматлари марказлари иссиқ сув ҳисоблагичини ечганлик, қиёслашдан ўтказганлик, ўрнатганлик учун БҲМнинг 20 фоизи миқдорида ҳақ оладилар.
Ушбу йиғим қаерга кетади?
– Жисмоний шахслардан иссиқ сув (совуқ сув) ҳисоблагичини ечиш, қиёслашдан ўтказиш, ўрнатиш бўйича давлат хизматларини кўрсатганлик учун базавий ҳисоблаш миқдорининг 20 фоизи миқдорида йиғим ундирилади. У қуйидаги тартибда тақсимланади:
- 20 фоизи – Адлия вазирлиги ҳузуридаги Давлат хизматлари агентлигининг бюджетдан ташқари жамғармасининг шахсий ҳисобрақамига ўтказилади;
- 10 фоизи – ЎзР Президенти ҳузуридаги Лойиҳа бошқаруви миллий агентлиги қошидаги «Электрон ҳукумат ва рақамли иқтисодиёт лойиҳаларини бошқариш маркази» ДУКнинг махсус ҳисобрақамига ўтказилади (агар давлат хизмати ЯИДХП орқали кўрсатилса);
- 50 фоизи – метрология хизматининг ҳисобрақамига ўтказилади (агар ҳисобга олиш ускунасини (ҳисоблагични) қиёслашдан ўтказиш бўйича мурожаат қилинганда);
- қолган маблағлар таъминот корхонасининг банк ҳисобрақамига ўтказилади. Бунда, ҳисобга олиш ускуналарини заруратга кўра таъмирлаш ёки янгисига алмаштириш харажатлари таъминловчи корхонанинг маблағлари ҳисобидан қопланади (Маъмурий регламентнинг 15-б.).