РФ доимий яшаш учун ҳужжатларни расмийлаштирдим. 6 ойлик пенсиямни олдиндан олдим. Бироқ бу даврда кета олмадим. Ҳозир қариндошларимнинг ўзида вақтинчалик пропискадан ўтганман.
Пенсия жамғармасига мурожаат қилиши ва вақтинчалик пенсияни расмийлаштиришим мумкинми?
– Ҳа, албатта. Шахс 6 ой учун олдиндан пенсия тўлангандан кейин доимий яшаш учун Ўзбекистон Республикаси ташқарисига чиқиб кетмаган тақдирда, унга пенсия тўланган 6 ойлик давр тамом бўлгандан кейин пенсияни навбатдаги тўлаш учун мурожаат қилганда 6 ойлик пенсия яна олдиндан тўланиши мумкин (252-сон Низомнинг 181-банди).
