Norma.uz
Норма маслахатчи / 2019 йил / № 40 / Ёнғин хавфсизлиги

Кузги-қишки мавсумга тайёрмисиз?

 

Президентимизнинг «Республика иқтисодиёти тармоқларини 2019–2020 йил куз-қиш даврида барқарор ишлашига тайёрлашни таъминлаш чора-тадбирлари тўғрисида»ги қарорида (30.07.2019 йилдаги ПҚ-4407-сон) олдимизда турган, ёнғин чиқиш хавфи кучли бўлган мавсумда амалга ошириладиган чора-тадбирлар белгилаб берилди.

 

Барчамизга аёнки, куз фасли хазонрезгилик фаслидир. Ушбу мавсумда маҳаллаларда, кўчаларда, шунингдек, ҳусусий уй-жой мулкдорлар ширкатларига қарашли кўп қаватли уйлар атрофида дарахтлардан тушган хазон ва шох-шаббаларни ёқиш ҳоллари кўпайиб қолади. Бироқ доно халқимиз «Олов – тилсиз ёв» деб бежиз айтмайди. Назоратсиз қолдирилган олов албатта «ўз қилмиши»ни қилмай қолмайди. Бунга йиллар давомида содир бўлаётган ёнғинлар далил бўлади. Кўча-кўй ва хонадонларда тасодифий ёнғинлар аланга олмаслиги учун оддий қоидаларга риоя қилинса бас. Хусусан:

♦ хазонларни дуч келган жойларга йиғманг;

♦ хас-чўп, шох-шабба ва хазонлар тўпланган жойларда ёнғин хавфсизлиги чораларини кўринг;

♦ бундай жойларда болаларнинг ўйнаши ва умуман ҳозир бўлишининг олдини олинг;

♦ хонадондаги электр симлари ва иситиш мосламалари созлигига эътибор беринг;

♦ тандир ва ўчоқларни сомонхона ва ўтинхоналарнинг яқинида қурманг;

♦ хонадондаги газ плиталарининг жойларини ўзбошимчалик билан ўзгартирманг;

♦ газ плиталарига резина шланг орқали газни уламанг;

♦ чироқларни қоғоз ва матолар билан ёпманг;

♦ гугурт ва алангаланувчи моддаларни ёш болалардан узоқда ҳамда кўринмайдиган жойларда сақланг;

♦ болаларнинг газ мосламаларидан фойдаланишига йўл қўйманг;

♦ уйларингиз атрофида ёнғин ўчириш автоуловларининг ўтиш йўлларини турли хил тўсиқлар билан тўсиб қўйманг.

 

Ушбу кўрсатиб ўтилган ёнғинга қарши чора-тадбирларга риоя қилсангиз, авваламбор, ўз мол-мулкингизни ёнғиндан асрайсиз, қолаверса, ён-атрофингиздаги азизларингизнинг ҳаётини эҳтимолий хавфлардан ҳимоялаган бўласиз.

 

 

Фарҳод Абдуллаев,

Миробод тумани ЁХБ инспектори,

катта сержант.

Прочитано: 452 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2020 г. Все права защищены.
18+   Яндекс.Метрика