Norma.uz
СБХ / 2017 йил / № 40 / Амалий бухгалтерия

Товарлар импорти ҳисобда қандай акс эттирилади

 

Ташкилотимиз улгуржи савдо билан шуғулланади. Ички бозорда кейинчалик сотиладиган товарларни импорт бўйича харид қиламиз. Валютани бозор курсида (1 АҚШ доллари учун 8 500 сўм) конвертация қилдик. Божхонада тозалаш кунида МБ курси 1 доллар учун 4 126,45 сўмни ташкил этган. Биз декларациялаш, сертификатлаш хизматлари ҳақи ва божхона божларини сўмда тўладик.

Импорт қилинган товарларнинг харид қийматини аниқлашда чет эл валютасининг қайси курсини (бозор ёки МБ) қўллаш лозим? Импорт товар қандай бухгалтерия проводкалари билан кирим қилинади?

В.Маркана, ХК бош бухгалтери.

 

– Импорт қилинган ТМБ ва бошқа активларнинг харид қийматини қандай шакллантириш ва бухгалтерия ҳисобида акс эттириш Чет эл валютасидаги операцияларни бухгалтерия ҳисобида акс эттириш тартиби тўғрисидаги низомда (АВ томонидан 17.09.2004 йилда 1411-сон билан рўйхатдан ўтказилган) кўрсатилган.

Низомга мувофиқ, импорт қилинган ТМБнинг харид қиймати қуйидаги формула бўйича аниқланади:

С = Шқ + Т + Бх, бунда: 

Шқ – БЮДни тўлдириш санасидаги МБ курси бўйича қайта ҳисобланган импорт қилинган ТМБнинг шартнома қиймати (ИМ = 40);

Т – ушбу ТМБни олиб киришда тўланган божхона тўловлари;

Бх – уларни харид қилиш билан боғлиқ бошқа харажатлар (декларациялаш, сертификатлаш, сақлаш, ташиш ва ҳ.к.).

Қайта сотиш учун сотиб олинган, импорт товарларни харид қилиш билан боғлиқ операциялар (консигнация шартномалари бўйича импорт товарлар бундан мустасно) бухгалтерия ҳисобида қуйидагича акс эттирилади:

 

Хўжалик операциясининг мазмуни

 

Счётлар корреспонденцияси

 

дебет

 

кредит

 

Импорт товар келиб тушди (БЮДни расмийлаштириш санасида МБ курси бўйича)

 

2910-«Омборлардаги товарлар»

 

6010-«Мол етказиб берувчилар ва пудратчиларга тўланадиган счётлар»

 

Импорт қилинган ТМБни олиб киришда божхона тўловлари тўланди

 

6410-«Бюджетга тўловлар бўйича қарз»

 

Импорт қилинган ТМБни харид қилиш билан боғлиқ бошқа харажатлар акс эттирилди

 

6990-«Бошқа мажбуриятлар»

 

 

Импорт қилинадиган, консигнация шартномалари бўйича олиб кирилган товарларни бухгалтерияда ҳисобга олиш тартиби Низомнинг 16-бандида акс эттирилган.

Чет эл валютасининг сотиб олиниши бухгалтерия ҳисобида харид кунидаги МБ курси бўйича акс эттирилади. Уни сотиб олиш чоғида юзага келувчи МБ курсидан юқори курс фарқи ­9620-«Валюталар курслари фарқидан зарарлар» счётида акс эттирилади ва молиявий фаолиятдан харажатлар сифатида молиявий натижаларга киради.

 

Чет эл валютасининг бозор курсида харид қилинишини бухгалтерия ҳисобида қуйидагича акс эттиришингиз лозим:

Хўжалик операциясининг мазмуни

 

Счётлар корреспонденцияси

 

дебет

 

кредит

 

Валюта бозорида битим курси (бозор курси) бўйича чет эл валютасини сотиб олиш учун харид кунида ҳисоб-китоб счётидан сўмдаги маблағлар ўтказилди

 

5530-«Бошқа махсус счётлар»

 

5110-«Ҳисоб-китоб счёти»

 

МБ курси бўйича сотиб олинган чет эл валютаси ҳисобга киритилди

 

5210-«Мамлакат ичидаги валюта счётлари»

 

5530-«Бошқа махсус счётлар»

 

МБ курси билан чет эл валютаси сотиб олинган бозор курси ўртасидаги курс фарқи акс эттирилди

 

9620-«Валюталар курслари фарқидан зарарлар»

 

 

 Музаффар МИРЗАҒАНИЕВ, «Norma Online» эксперти.

Прочитано: 1865 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика