Россиядан корхонага DHL почта жўнатмаси билан оғирлиги 5 кг га яқин хом ашё намуналари юборилган. Бизга бундай юкка БЮД расмийлаштирилмайди, чунки унинг нархи жуда оз дейишди. Бу қандай меъёрий ҳужжат билан тартибга солинишини айтиб берсангиз.
Б.Умарова.
– Божхона юк декларациясини тўлдириш тартиби тўғрисидаги йўриқноманинг* (АВ томонидан 3.11.1999 йилда 834-сон билан рўйхатдан ўтказилган) 1.20-бандига кўра, Ўзбекистон Республикасининг божхона чегараси орқали олиб ўтиладиган, қиймати энг кам иш ҳақининг 10 бараваридан оз бўлган товарларга БЮД тақдим этилмайди ва товарлар товарга илова қилинувчи ҳужжатларга асосланиб ўтказилади.
Ушбу ҳолда олувчининг аризасига асосан божхона кирим ордери расмийлаштирилади, унда назарда тутилган божхона тўловлари ҳисоб-китоби ва уларнинг ЎзР ТИФ ТНга мувофиқ ставкалари кўрсатилади.
______________________________
*21.04.2016 йилдан ДБҚнинг АВ томонидан 6.04.2016 йилда 2773-сон билан рўйхатдан ўтказилган қарори билан тасдиқланган Божхона юк декларациясини тўлдириш тартиби тўғрисидаги йўриқнома кучга киради.
«Божхона» бўлимини махсус мухбиримиз Гулнора АБДУНАЗАРОВА олиб боради.
