МЧЖда раҳбар ва бухгалтер ишлайди. Ёзув-чизув қуроллари (ТМБ)ни олиш учун бухгалтерга ишончнома ёзиш мумкинми?
– Ҳа, мумкин. Товар-моддий бойликларга ишончнома бериш тартиби Фуқаролик кодексининг 138-моддаси ва Товар-моддий бойликларни олишга ишончномалар бериш ва уларни ишончномалар бўйича бериш тартиби тўғрисидаги низом (молия вазирининг АВ томонидан 27.05.2003 йилдаги 1245-сон билан рўйхатдан ўтказилган буйруғи билан тасдиқланган, бундан кейин – Низом) билан белгиланган. Низомга кўра корхона томонидан қонун ҳужжатларида белгиланган тартибда етказиб берувчилардан товар-моддий бойликларни олиш учун ишончли шахсга берилган ёзма ваколат ишончнома деб тан олинади.
Низом 3-бандининг иккинчи қисмига кўра ишончномалар корхона раҳбари ёки у томонидан қонунда кўрсатилган тартибда белгиланадиган шахслар томонидан имзоланади. Шу муносабат билан раҳбар ўзининг хоҳишига кўра ёзув-чизув қуроллари (ТМБ)ни олишга ишончли шахс сифатида шу жумладан корхона бухгалтерини ҳам тайинлаши мумкин.
Тимур МУМИНОВ,
эксперт-юристимиз.
