Иссиқлик энергиясига харажатларни қисқартириш ва унинг тармоқларда йўқолишини камайтириш мақсадида киевликлар уйларни мустақил ишлайдиган кичик қозонхоналар билан жиҳозлашни таклиф этмоқдалар. Иссиқлик трассалари кўчани бекорга иситмаслиги учун ҳар бир квартирада сув, газ ва иссиқлик ҳисоблагичларини ўрнатиш ҳамда эски иссиқлик тармоқларини капитал реконструкция қилиш режалаштирилмоқда. Бунинг учун салмоқли харажат қилишга тўғри келади. Маблағни қаердан олиш мумкин? Бунинг бир йўли – тармоқларни концессияга бериш.
Киевликлар биноларни иситиш учун тикланувчи энергиядан ҳам фойдаланишни таклиф қилмоқдалар. Масалан, «Киевзеленстрой» чиқиндиларини қипиққа айлантириб, брикетларга пресслаш ва иситишда фойдаланиш мумкин. Ёки Вена тажрибасини қўллаш лозим, у ерда заводда маиший чиқиндини қайта ишлашдан чиқадиган иссиқлик билан бинолар иситилади.
Муқобил энергияни ҳам қўллаш таклиф этилмоқда. «Киев – серқуёш шаҳар, бу ерда қуёш батареяларидан фойдаланиш мумкин. Ишни маъмурий бинолардан бошлаш – барча томларда электр энергияси ишлаб чиқарадиган шундай батареялар ўрнатиш керак», – дейди экспертлар.
Хорижий матбуот материалларидан.
