Иқтисодий манфаатлар ҳимоясида

Тошкент вилояти божхона бошқармаси томонидан ташқи иқтисодий фаолият иштирокчилари билан очиқ мулоқотлар мунтазам ташкил этилиб, тадбиркорларни қийнаётган масалаларни жойида ҳал этишга алоҳида эътибор қаратилмоқда. Бундай учрашувлар давомида божхона расмийлаштируви, экспорт-импорт жараёнлари, логистика, имтиёзларни қўллаш ва чегара орқали юкларни тезкор ўтказиш билан боғлиқ таклиф ҳамда мурожаатлар атрофлича муҳокама қилиниб, уларнинг ечими юзасидан аниқ чора-тадбирлар белгиланмоқда.