Кузги-қишки мавсум бошланишидан олдин муаммоларни бартараф этиш
2026 йилнинг биринчи ярмида ёқилғи-энергетика мажмуасига оид 39 минг 220 та мурожаат келиб тушган. Бу ўтган йилнинг мос даври билан солиштирилганда 13 минг 820 тага ёки 26,1%га кам. Уларнинг 50%и табиий ва суюлтирилган газ таъминоти, 38,3%и электр таъминоти масалалари билан боғлиқ. Куз-қиш мавсумига тайёргарлик доирасида фуқароларнинг ёқилғи-энергетика соҳасидаги мурожаатлари ва уларда кўтарилган муаммоларни бартараф этиш чора-тадбирлари юзасидан ўтказилган йиғилишда Президентимизга шу ҳақда ахборот берилди.