Соддалаштирилган ҚҚС тартибини амалий қўллашга доир

Корхона Ўзбекистон Республикаси Президентининг 2026 йил 26 майдаги ПФ-100-сон Фармонида назарда тутилган қўшилган қиймат солиғини ҳисоблаб чиқариш ва тўлашнинг соддалаштирилган тартибига ўтишни режалаштирмоқда. Корхонада ҚҚС билан харид қилинган товар-моддий захиралар ва асосий воситалар қолдиқлари мавжуд. Шунингдек, ўтиш санасида амалдаги шартномалар, дебитор ва кредитор қарздорликлар ҳамда ҚҚС бўйича ҳисоб-китоблар мавжуд бўлиб, соддалаштирилган тартибга ўтилгандан кейин уларни ҳисобга олиш тартиби юзасидан саволлар юзага келмоқда. ҚҚСни ҳисоблаб чиқариш ва тўлашнинг соддалаштирилган тартибига ўтишда товар-моддий захиралар, асосий воситалар, дебитор ва кредитор қарздорликлар ҳамда аввал ҳисобга олинган ҚҚС суммаларини солиқ ва бухгалтерия ҳисобида акс эттириш бўйича амалдаги норматив-ҳуқуқий ҳужжатларда расмий тушунтиришлар берилганми? Агар бундай тушунтиришлар мавжуд бўлмаса, мазкур масалалар юзасидан расмий изоҳ олиш учун қайси ваколатли органга мурожаат қилиш тавсия этилади?