ККУда умумий йиғилиш имкониятларидан фойдаланилмайди

Кўпинча кўп квартирали уйларда ҳамма нарсани жойлар мулкдорларининг умумий йиғилиши ҳал қилишини эшитиш мумкин. Бошқарув органи, қонунларга мувофиқ, кўп қаватли уйларни сақлаш билан боғлиқ бирон-бир жиддий қарорни аҳолининг розилигини олмасдан туриб қабул қила олмас экан. Лекин аксарият ҳолларда бунинг акси бўлади. Умумий йиғилишлар ўтказилмайди ёки номигагина ўтказилади, уйда яшовчиларни йиғилишга тўплаб бўлмайди, баъзан эса таклиф ҳам қилинмайди. У ҳолда, агар уй аҳлига барибир бўлса, бошқарувчига эътироз билдириш шартмикин. Мулкдорлар умумий йиғилишининг ваколатлари, уни қонун ҳужжатларига мувофиқ қандай ўтказиш ҳақида батафсил маълумот олишни хоҳлардим?