Минимал ставкадан пастроқ ставкада ижарага беришнинг оқибати

Тошкент шаҳридан АОС тўловчи сифатида рўйхатдан ўтган корхона 2023 йилдан бери ўзига қарашли бўлган 1 000 кв.метр майдондан иборат кўчмас мулк (нотурар жой)ни ижара бериш фаолияти билан шуғулланиб келади. Ушбу кўчмас мулкни бошқа бир юридик шахсга ижара шартномаси асосида ижарага берган. Мазкур корхонада 2025 йилда солиқ аудити ўтказилиб, корхона томонидан ижара шартномаси қиймати VII-8-60-14-0-K/25-сон қарорда белгиланган ставкалардан кам деб баҳоланиб, корхона томонидан кўрилмаган даромадни жами даромад таркибига киритиш ва корхонани солиқ режимини умумбелгиланган режимга ўтказиш талаб этилмоқда. 1. Юқоридаги важ бўйича кўрилмаган даромадни корхонанинг даромади деб қараб, жами даромад таркибига киритилган ҳолда солиқ ундириш тўғрими? 2. Мазкур ҳолат юзасидан корхонанинг даромади 1 млрд сўмдан ошган деб баҳолаб, қўшилган қиймат солиғи ва фойда солиғи тўловчиси сифатида рўйхатга қўйдириш асослими?