«Кутилмаган ташрифлар» қонунийми?

Участка солиқ инспекторлари тадбиркорлик субъектларига ташриф буюриб, корхона гувоҳномаси, ижара шартномаси ҳамда ходимларга оид буйруқларни талаб қилмоқда. Бундай ташрифлар расмий текширув сифатида эмас, балки «танишув» ёки «маълумот йиғиш» мақсадида амалга оширилаётгани таъкидланмоқда. Бундан ташқари, айрим ҳолларда солиқ органи, ички ишлар органи, ҳокимият, ёшлар агентлиги ва бошқа идоралар вакилларидан ташкил топган «ишчи гуруҳлар» бирга келиб, корхонадаги ходимлар сони ва фаолият тури каби маълумотларни йиғмоқда. Ушбу ҳаракатлар қонунийми? Участка солиқ инспекторининг ҳуқуқ ва мажбуриятлари қайси ҳуқуқий ҳужжатларда белгиланган? Тадбиркор давлат органи вакилларини корхонага киритмаслик ҳуқуқига эгами?