Гаровга қўйилган мол-мулк реализация қилинганда ҚҚС қандай ҳисобланади

22.04.2025 йилдаги ЎРҚ-1060-сон Қонун билан Солиқ кодексининг 248-моддаси қуйидаги мазмундаги 14-қисм билан тўлдирилди: «Агар гаров билан таъминланган мажбуриятни бажариш учун кредитор томонидан олинган мол-мулк бўйича ушбу Кодекснинг 266-моддасига мувофиқ солиқ ҳисобга олинмаган бўлса, ушбу мол-мулк реализация қилинганда солиқ базаси мол-мулкни реализация қилиш нархи (солиқ суммасини ўз ичига олган ҳолда) ва ушбу мол-мулкни мажбуриятни бажариш учун кредит ташкилоти балансига сотиб олиш қиймати ўртасидаги ижобий фарқ сифатида аниқланади». Амалиётда банклар юридик ва жисмоний шахсларнинг гаровга қўйилган мол-мулкини Мажбурий ижро бюроси хатлари асосида ўз балансига олади ва кейинчалик уни бошқа юридик ва жисмоний шахсларга сотади. Агар илгари юридик шахсга тегишли бўлган мол-мулк сотилса, ҚҚС суммаси кредит ташкилоти томонидан сотилаётганда мол-мулкнинг тўлиқ қийматидан келиб чиқиб ҳисобланадими? Мол-мулкни сотиб олувчи ушбу ҚҚС суммасини тўлиқ қиймат бўйича ҳисобга оладими?