Қум ва шағал қазиб олиш

Иқтисодиёт ва экологиянинг ўзаро таъсири нуқтаи назаридан жуда мураккаб ҳужжат 30 январь куни қабул қилинди. Гап Вазирлар Маҳкамасининг «Қурилиш объектларининг арзон қум-шағал материалларига бўлган талабини қондириш ва уларнинг нархлари барқарорлигини таъминлаш чора-тадбирлари тўғрисида»ги 39-сон қарори ҳақида бормоқда. 2024 йил май ойида Чирчиқ, Сирдарё, Сангзор, Зарафшон, Норин, Қашқадарё ва Сухондарё дарёлари ҳавзаларида қайта тикланмайдиган минерал ресурсларни қазиб олишга муддатсиз мораторий жорий этилиши қурилиш соҳасини ноқулай аҳволга солиб қўйди (хом ашё кам, нарх қиммат). Энди эса 39-сон ВМҚ ушбу дарёлар ўрнига бундай қазиб олишга рухсат бериладиган бошқа сув ҳавзалари рўйхатини тасдиқламоқда.